«Մխիթար Սեբաստացի» կրթահամալիր,
«Իմացումի հրճվանք» կրթական ծրագիր,
2021-2022 ուստարի
Մաթեմատիկա
«Մխիթար Սեբաստացի» կրթահամալիրի «Իմացումի հրճվանք» կրթական ծրագիրը (այսուհետ՝ Ծրագիր) կրթահամալիրում իրականացվող «Ստեղծողի դպրոց, անհատի կրթական պատվեր, մեդիակրթություն» հեղինակային (պետական այլընտրանքային) կրթական ծրագրի բաղկացուցիչն է։ Ծրագիրն իրականացվում է կրտսեր դպրոցի 1-3-րդ դասարաններում։
Ծրագիրն ապահովում է պետական կրթական չափորոշիչի՝ կրտսեր դպրոցին ներկայացվող պահանջները, սովորողի անհատական կրթության իրավունքը, կրթության անընդհատությունը:
Ծրագրի իրականացումը կազմակերպվում է առկա, հեռավար, առցանց-ընտանեկան ձևերով:
Ծրագիրն իրականացվում է ուսումնական և հասարակական նախագծերի, ստուգատեսների, առարկայական ֆլեշմոբերի, ծեսերի, ուսումնական ճամփորդությունների, ուսումնահետազոտական ճամբարների միջոցով՝ դասարանական օրացույցի հիման վրա:
Ուսուցումը կազմակերպվում է անվտանգ, հիգենիկ և լուսավոր միջավայրում՝ սովորողի մտավոր և ֆիզիկական զարգացման համար անհրաժեշտ պայմանների, միջոցների և գործիքների (նոթբուք-նեթբուք, ժամացույց, վայրկյանաչափ, քանոն, մետր, համրիչ, հաշվեձողիկներ, այլ դիդակտիկ նյութեր) կիրառմամբ:
Դասարանական բլոգը, մեդիագրադարանը, դպրոց-պարտեզների ենթակայքերը, կրթահամալիրի կայքը, ուսումնական այլ կայքեր սովորողին ապահովում են անհրաժեշտ ուսումնական նյութերով, միջոցներով:
Ծրագրի ուսուցումը կազմակերպվում է առարկայական բաղադրիչների ինտեգրումով: Ստորև ներկայացված է 2021-2022 ուստարվա մաթեմատիկա առարկայի ուսումնական ծրագիրը:
Մաթեմատիկան եղել է ու կա շրջակա աշխարհի ճանաչման միջոց, գործիք, որն օգնում է կյանքում և տարբեր ոլորտներում հաշվարկներ և հետազոտություններ անել:
Տարրական դպրոցի մաթեմատիկա առարկայի նպատակներն են`
- սովորողի մոտ ձևավորել և զարգացնել տրամաբանական, լեզվական և ալգորիթմական մտածողություն,
- կռահելու կարողություն, փաստարկները ճիշտ և հետևողականորեն կառուցելու, մտքերը ճշգրիտ և պարզ արտահայտելու ունակություններ,
- իրավիճակը քննադատաբար գնահատելու, վերլուծելու կարողություններ,
- զարգացնել սովորողի ուշադրությունը, դիտողականությունը, հիշողությունը, աշխատասիրությունը, նպատակասլացությունը, համբերությունը, ինքնուրույնությունը, հնարամտությունը,
- սերմանել վստահություն սեփական ուժերի նկատմամբ:
Առաջին դասարան
Խնդիրներ՝
- Ձևավորել առարկաները ճանաչելու, համեմատելու, փոխդասավորությունը նկարագրելու, հավաքածուներ կազմելու կարողություններ:
- Ծանոթացնել միանիշ և երկնիշ բնական թվերի հետ, սովորեցնել դրանք գրել և կարդալ, դրանց հետ գումարման և հանման գործողություններ կատարել:
- Թվերն օգտագործել հաշվում, համարակալում, չափում պահանջող կիրառական խնդիրներ լուծելիս և գործնական առաջադրանքներ կատարելիս:
- Ծանոթացնել երկրաչափական մարմինների և պատկերների հետ:
- Զարգացնել տարածականության պատկերացումները:
- Սովորեցնել պարզ աղյուսակներից օգտվել:
Բովանդակություն՝
- Թվեր, թվային համակարգեր
- Կարդալ և գրել միանիշ, երկնիշ թվերը (առաջ և հետ, տարբեր քայլերով, կամայական թվից սկսած)
- Ճանաչել զույգ և կենտ թվերը
- Տարբերակել միանիշ և երկնիշ թվերը
- Որոշել տրված թվին նախորդող հաջորդող թվերը
- Որոշել երկու թվերի միջև գտնվող թիվը
- Համեմատել թվերը
- Իմանալ թվերի կազմությունը (միանիշ թվեր)
- Հասկանալ թվերի կարգային կազմությունը (երկնիշ թվեր)
- Կռահել առարկաների մոտավոր քանակը (քանակի մոտավոր գնահատում, աչքաչափ)
- Հասկանալ կեսի գաղափարը
- Իմանալ և կիրառել թվերը գումարելու և հանելու հնարքներ
- Գործողություններ. գումարում և հանում
- Ճանաչել և կիրառել +, -, =, <, > նշանները
- Կարդալ մեկ, երկու գործողություն պարունակող թվային արտահայտությունը
- Կազմել թվային արտահայտություն, հավասարություն և անհավասարություն
- Միանիշ թվերը գումարել և հանել (առանց կարգային անցումների, կարգային անցումներով)
- Իմանալ և կիրառել գումարման տեղափոխական օրենքը
- Կիրառել 0-ի հատկությունները գումարման և հանման գործողություններում
- Հավասարությունում գտնել անհայտ գումարելին, նվազելին, հանելին (ընտրության եղանակով)
- Երկնիշ թվերը գումարել և հանել (առանց կարգային անցումներին)
- Կռահել օրինաչափությունը և շարունակել թվային շարքը
- Ձև և տարածություն
- Ճանաչել և անվանել երկրաչափական պատկերները
- Ճանաչել և անվանել երկրաչափական մարմինները
- Երկրաչափական պատկերներով (մարմիններով հավաքել) կառուցել պատկերներ
- Գծել հատվածներ, անվանել դրանք, դրանցել երկարությունը
- Ծալելով երկրաչափական պատկերները բաժանել երկու հավասար մասի
- Տվյալների հավաքագրում, ներկայացում, ընթերցում
- Որոշել առարկայի դիրքը տարածության մեջ (ներքև-վերև, բարձր-ցածր, աջ-ձախ, տակ-վրա-միջև, մոտ-հեռու)
- Կազմել հավաքածուներ/բազմություններ ըստ ընդհանուր հատկանիշի (գույն, ձև, նյութ)
- Համեմատել հավաքածուները զույգեր կազմելու միջոցով՝ նույնքան, շատ, քիչ:
- Համեմատել և դասավորել առարկաները ըստ չափսի, քանակի, դիրքի (ավելի մեծ-ավելի փոքր, ավելի շատ-ավելի քիչ, ավելի երկար-ավելի կարճ, ավելի բարձր-ավելի ցածր, ավելի լայն-ավելի նեղ)
- Տվյալները ներկայացնել աղյուսակների (դիագրամների) տեսքով
- Տվյալներ կարդալ աղյուսակներից (օրացույց, դասացուցակ)
- Չափումներ. երկարություն, զանգված, տարողություն, ժամանակ, ջերմաստիճան, դրամ
- Քանոնի օգնությամբ չափել և գծել հատվածներ
- Կատարել չափումներ (երկարություն, զանգված) և համեմատություններ օգտվելով չափման ստանդարտ և ոչ ստանդարտ գործիքներից
- Իմանալ և անվանել երկարության չափման միավորները (մմ, սմ, մ)
- Իմանալ և անվանել ժամանակի չափման միավորները (վայրկյան, րոպե, ժամ, օր, շաբաթ, ամիս, տարի,դար)
- Օգտվել օրացույցից, ժամացույցից (ամբողջական ժամեր), ջերմաչափից, գնացուցակից
- Հաշվել դրամը (մինչև 100 դրամ)
- Ավելացնել և պակասեցնել դրամը
- Դրամը ներկայացնել մանր մետաղադրամներով
Խնդիրներ
Խնդիրների լուծումը վերաբերում է ցանկացած թեմաների: Խնդիրների միջոցով սովորողներն ավելի լավ են ընկալում, յուրացնում թեմաները:
Կարևոր է նաև, որ սովորողները շատ խնդիրներ կազմեն:
Ուսումնական տարվա ընթացքում կարևոր է օրինաչափությունների բացահայտմանը, տարածական կողնորոշմանը, հիշողության զարգացմանն ուղղված աշխատանքները:
Երկրորդ և երրորդ դասարանների բովանդակությունը լրամշակման փուլում է
«Իմացումի հրճվանք» կրթական ծրագրում գնահատումը գնահատանիշով չի իրականացվում: Սովորողի գնահատումը արձանագրվում է զարգացման բնութագրում:
Ուսումնական ռեսուրսներ
Լուսինե Փաշայանի մաթեմատիկական առաջադրանքների փաթեթները՝
1-ին դասարան
2-րդ դասարան
3-րդ դասարան
Օգտագործված ռեսուրսներ՝