2020 — 2021 ուսումնական տարի
«Իմացումի հրճվանք» ծրագրի նկարագրությունը
«Մխիթար Սեբաստացի» կրթահամալիրը, որպես «Ստեղծողի մոբիլ դպրոց» հեղինակային (պետական այլընտրանքային) կրթական ծրագրի ստեղծող ու իրագործող, կրտսեր դպրոցի 1-3-րդ դասարաններում իրականացնում է «Իմացումի հրճվանք» կրթական ծրագիրը, որն իրենից ներկայացնում է ինտեգրացված, անառարկայական ուսուցում։
Ծրագրի հիմնական նպատակը ստեղծող, անընդհատ կրթվող և ինքնակրթվող, ինքնուրույն, սոցիալապես ակտիվ անհատի ձևավորումն է:
Ծրագիրն իրականացվում է ուսումնական և հասարակական նախագծերի, ստուգատեսների ծեսերի, ուսումնական ճամփորդությունների, ուսումնահետազոտական ճամբարների միջոցով՝ կրթահամալիրի ուսումնական օրացույցի հիման վրա:
Ուսումնական գործընթացը կազմակերպվում է դասարանի ուսումնական օրացույցով, որը դպրոցի օրացույցի հավելվածն է, կրթահամալիրային, դպրոցական, խմբային, ընտանեկան, անհատական ուսումնական նախագծերով։
Սահմանված կարգով իրականացվող ուսումնական ճամփորդությունները ուսումնական գործունեության բաղկացուցիչն են:
Ծրագիրն ապահովում է պետական կրթական չափորոշիչի՝ կրտսեր դպրոցին ներկայացվող պահանջները, սովորողի անհատական կրթության իրավունքը, կրթության անընդհատությունը:
Ուսուցումը կազմակերպվում է անվտանգ, հիգենիկ և լուսավոր միջավայրում՝ սովորողի մտավոր և ֆիզիկական զարգացման համար անհրաժեշտ պայմանների և միջոցների կիրառմամբ:
Ուսուցումը հիմնականում առկա է, սահմանված կարգով իրականացվում է նաև անցում հեռավար, առցանց-ընտանեկան ուսուցման ձևերին։
Մեդիան իր գործիքներով (նեթբուք, պլանշետ, համացանց և այլն) և հնարավորություններով ապահովում է սովորողի համակողմանի զարգացումը՝ կատարելագործելով և հարստացնելով ձեռք բերած հմտություններն ու գիտելիքները:
Դասավանդողի բլոգին, դպրոցի, կրթահամալիրի կայքերին հետևելը և դրանց աշխատանքին մասնակցելը, էլեկտրոնային անձնական հասցեն վարելը սովորողի ուսումնական աշխատանքն է: Խրախուսվում է սովորողի անձնական ուսումնական բլոգի ստեղծումը և վարումը։ Ուսուցման երրորդ տարում ուսումնական բլոգ վարելը սովորողի ուսումնական աշխատանքն է:
Ուսումնական տարին կազմված է չորս շրջանից։ Երկրորդ և չորրորդ շրջանները կազմակերպվում են որպես ուսումնական-ստուգատեսային ճամբարներ։
Գնահատումն իրականացվում է սովորողի անհատական (գործունեության) զարգացման բնութագրով՝ տարին չորս անգամ՝ ուսումնական չորս շրջաններին համապատասխան։ Երրորդ դասարանի վերջում կազմակերպվում է «Իմացումի հրճվանք» ծրագիրն ավարտող սովորողի ուսումնական կարողությունների ներկայացման ստուգատես։
Դասարանի ծրագիրը ղեկավարում է դասվարը։
Բաղադրիչներ (ներկայացված մշակումները խմբագրման փուլում են)
- Տեխնոլոգիա. մշակումը՝ Տաթև Թամազյանի
- Մայրենի լեզու. լրամշակումը՝ Լիլիթ Սահակյանի և Հասմիկ Ղազարյանի
- Շախմատ. մշակումը՝ Առնոլդ Միքայելյանի
- Մաթեմատիկա.
- Ես և շրջակա աշխարհը
- Մարմնակրթություն.
- Երաժշտություն
- Անգլերեն 1-3-րդ դասարան
Անի Մրտեյան
Աննա Գանջալյան
Միլենա Մանուչարյան - Ռուսերեն 1-3-րդ դասարան
Վիկտորիա Հովսեփյան
Աննա Ֆրանգյան
Ընտրությամբ գործունեություն
Բանավոր մաթեմատիկա. մշակումը՝ Մանուշակ Աբրահամյանի
Ուսումնական ռեսուրսներ
- «Իմացումի հրճվանք» ծրագրի միջավայր, կազմակերպում
- Ուսումնական ճամփորդությունների ուղեցույց
- Դասարանական օրացույցներ
Ուսումնական նախագծեր (ներկայացված մշակումները խմբագրման փուլում են)
- Սեբաստացու օրեր
- Ամանոր
- Տիառնընդառաջից Բարեկենդան. մշակումը՝ Տաթև Թամազյանի
- Ծաղկազարդ, Զատիկ
- Ձոն
2-րդ դասարանի փաթեթ
- Հայոց լեզու 2 , Մարիետ Սիմոնյան
- Ընթերցարան 2-րդ դասարան
- Ընթերցարան 1. Մարիետ Սիմոնյան, Աիդա Պետրոսյան
- Մատենիկ 1, 2, 3 . Աիդա Պետրոսյան, Մարիետ Սիմոնյան
- Թվաբանություն 1. Անահիտ Արնաուդյան, Գևորգ Հակոբյան
3-րդ դասարանի փաթեթ
- Հայոց լեզու 3. աշխատանքային գիրք-տետր
- Արևքուրիկ 3
- Մատենիկ 3
- Նախագծային ուսուցման ընթերցարան
- «Ընթերցարան» մաս 1
- «Ընթերցարան» մաս 2
- Մաթեմատիկ 3 (Շաղիկ)
- Մաթեմատիկա 3. Սոկրատ Մկրտչյան
- Մաթեմատիկա 3. առաջադրանքների փաթեթ
Խաղադարան
- Խաղիկներ, ասիկներ, հաշվերգեր
- Համակարգչային, առցանց խաղեր
- Ծիսական, երաժշտական խաղեր
- Մարզական, բակային, ազգային խաղեր
- Ջրային խաղադարան
- Տրամաբանական, սեղանի խաղեր
- Ռոդարիական խաղեր
Փաթեթն ամբողջացրեց Հասմիկ Մաթևոսյանը
Փաստաթղթեր
«Իմացումի հրճվանք» լաբորատորիա 